పురాకృతము ననుభవింప

పురాకృతము ననుభవింప పుట్టు దేహము

నరుని పాపపుణ్యముల బరువుమోయుచు

ఒక సంపద వచ్చిచేరు నొకనాటి పుణ్యఫలము

ఒక గర్వము వచ్చు నంత నొనగూడిన సిరిఫలము

ఒక పుణ్యము పండు టేమి యొక పాప హేతువేమి

ఇక నిన్నే మరచిపోయి ఎగురుటేమి రామచంద్ర

ఎగిరి యెగిరి దేహము పడి యిట్టే పుట్టు నవని మరల

తగని గర్వమునకు ఫలము తప్పకుండ పొందుటకు

ఒక రోగము వచ్చి పడెడు నొకనాటి పాపఫలము

ఒకటి కాని బాధల వలన నొనరు పశ్చాత్తాపము

ఒక పాపము పండు టేమి యొక దారి తోచుటేమి

ఇక నీవే దిక్కనుచు నెంచు టేమి రామచంద్ర 

పొగిలిపొగిలి దేహము పడి  పుట్టు నవని మీద మరల

తగుననుచును రామచింతన తప్పక కొనసాగగ