హృదయములో కొలువైన యీశ్వరుడా
యిది నీవే చెప్పు మింకేమందును రామ
ఇంక బహిః ప్రపంచమున నెట్లు నిలుతునో
యింకను పదుగురితో నేమి పలుకగలనో
యింకను సద్గ్రంథము లేమి చదువగలనో
యింకను నేనేమి కోరి యేమి చేయగలనో
ఇంక కర్మేంద్రియముల కేమి కార్యమున్నదో
యింక జ్ఞానేంద్రియముల కేమి లక్ష్యమున్నదో
యింకను తర్కంబుల నేమి చేయును బుధ్ధి
యింకనే విషయముల రమించు నీ మనసు
ఇంక నిది నీది నాదన నేమైన కలదో
యింకను నీనా భావన కేమి చోటు కలదో
యింక నీ‌ప్రకృతి మననెట్లు వేరుచేయునో
యింక నెప్పటికి మన మిర్వుర మొకటే
