కొండమీది గుడిలోని గోవిందుడే

కొండమీది గుడిలోని గోవిందుడే నా గుండెయనే గుడిలోని గోవిందుడు
వేదాంతులు బ్రహ్మమని పిలుచు గోవిందుడు వేదవిదులు విష్ణువని పిలుచు గోవిందుడు నాదోపాసకులకు గానంబు గోవిందుడు నా దేవుడు రాముడైనాడు గోవిందుడు	కొండ
వేనవేల పేరులతో వెలుగు గోవిందుడు ధ్యానించగ కర్మబంధ మణచు గోవిందుడు జ్ఞానులకు గమ్యతత్త్వమైన గోవిందుడు మానితముగ నాకు రాముడైన గోవిందుడు	కొండ
శక్తిహీనులను బ్రోచు శక్తి గోవిందుడు భక్తజనులనంటి యుండువాడు గోవిందుడు యుక్తమైన కోర్కెలెల్ల నొసగు గోవిందుడు ముక్తిప్రదుడు శ్రీరామమూర్తి గోవిందుడు	కొండ