25, నవంబర్ 2014, మంగళవారం

నీవు నావాడవై యుండినావు చాలు





చక్కగ నా చేత జరుగనై నట్టివి
నీ దయచేతనే నెఱపు చుంటి

జరిగిన వన్నియు జరిపించినది తామె
యనెడు ప్రచారముల్ వినుచు నుంటి

ముదిమిని నా భారమును వహించెడు వార
లెవ్వరు లేరని యెఱిగి యుంటి

రాబోవు కాలాన నాబోటి వానికి
తలచువారలు లేమి తెలిసి యుంటి

ఈశ్వరా నేడు నీవు నా కిచ్చి నట్టి
జీవితం బిది దీనికి చింత లేదు
ఎవరు నన్నెన్న మానిన నేమి గాని
నీవు నావాడవై యుండినావు చాలు