సుకవు లద్భుతమైన స్తోత్రంబులం జేసి సేవించి ధన్యులై చెలగు చుండ పరమమౌ ప్రేమచే పరవశమై భక్త కోటి నిన్నెప్పుడు కొలుచు చుండ నీ దైన తత్త్వంబు నిత్యంబు భావించి ముదమున యోగీంద్రముఖ్యు లుండ నీ దయ చాలని నిరతంబు పామరుల్ ప్రార్థించు వారలై పరగు చుండ అందరకు నీదు సత్కృప యలరు చుండ జీవులందరు తుది నిన్ను చేరు చుండ నెఱపు నీ దివ్యవిభవంబు మఱువ కుండ నుండ జేయవె యీశ్వరా యుర్విమీద |